27 декабря 2016 г.
Иртнĕ кунсенче районти организацисемпе учрежденисем, ял тăрăхĕсем хушшинче футзал вăййисен чемпионачĕ вĕçленчĕ. Ишпарайкка команди çĕнтерÿçĕ пулса тăчĕ. Иккĕмĕшпе виççĕмĕш вырăнсемшĕн хĕрÿ тупăшу пычĕ. «Тепловодоканал» команди иккĕмĕш вырăн йышăнчĕ пулсан, «Реал» (Элеккенушкăнь) виççĕмĕш вырăн çĕнсе илчĕ. Çĕнтерÿçĕсене кубоксем, Хисеп хучĕсем, медальсем пачĕç, укçан премипе хавхалантарчĕç. Чемпионатра вăйăçсене уйрăммăн та чысларĕç. «Чи лайăх вратарь» номинацире Алексей Антонов («Тепловодоканал»), «Чи лайăх хÿтĕлевçĕ» номинацире Сергей Никитин (Ишпарайкка), «Чи лайăх тапăнакан» номинацире Владимир Лаврентьев («Тепловодоканал»), «Чи лайăх бомбардир» номинацире Евгений Порфирьев (Ишпарайкка) палăрчĕç.
Источник: "Пурнăç çулĕпе" Аликовская районная газета