25 декабря 2015 г.
Декабрĕн 22-мĕшĕнче пирĕн районта учрежденисемпе организацисенче, ял тăрăхĕ- сенче тăрăшакансем хушшинче футзал вăййисен чемпионачĕ вĕçленчĕ. Вăл ноябрĕн 12-мĕшĕнче пуçланнă.
Аса илтеретĕп, турнира районти сакăр команда хутшăнчĕ: Ишпарайкăн, Элĕк райповĕн, Питĕшкассин, «Тепловодоканал» пĕрлешĕвĕн, «Хĕлхем» спорт шкулĕн, район администрацийĕн, федералсен, Шĕмшешĕн. Турнир савăнăçлă та интереслĕ иртрĕ. Футбол - халăх юратнă вăйă.
Турнирăн пĕрремĕш пайĕ хыççăн чи вăйлă командăсем - Ишпарайка, «Тепловодоканал», Элĕк райповĕ - тупăшрĕç тата вĕсемех финала тухрĕç. «Тепловодоканал» пĕрлешĕвĕн команди пĕрремĕш вырăн çĕнсе илчĕ, райпо команди иккĕмĕш пулса тăчĕ пулсан, Ишпарайка маттурĕсем виççĕмĕш вырăна тухрĕç. Чемпионатра «Чи лайăх вратарь» Алексей Антонов («Тепловодоканал» пĕрлешÿ), «Чи лайăх тапăнакан» Евгений Порфирьев (Ишпарайка), «Чи лайăх хÿтĕлевçĕ» Сергей Никитин (райпо) пулса тăчĕç. Çĕнтерÿçĕсемпе призерсем кубокпа Хисеп хучĕсене тата парнесене тивĕçрĕç. Вĕсене укçан та хавхалантарчĕç.
Эрик ВОНИФАТЬЕВ.
Источник: "Пурнăç çулĕпе" Аликовская районная газета