18 октября 2014 г.
Çулсеренех район шайĕнче чылай конкурс иртет. Куракансене чăн-чăн уяв парнелес тесе Элĕкри культурăпа кану центрĕн ĕçченĕсем нумай тăрăшаççĕ. Муниципалитет шайĕнче иртнĕ «Элĕк пики» конкурса хатĕрлеме те вăй-хал шеллемерĕç. Хальхинче те зала пухăннисене илемлĕ юрăсемпе савăнтарчĕç. Унсăр пуçне конкурса ирттерме ял тăрăхĕсем те пысăк пулăшу пачĕç. Александр Ефремов, Анатолий Ананьев, Вячеслав Ефимов, Николай Иванов, Анатолий Семенов, Валериан Гордеев, Петр Павлов, Римма Евдокимова ертÿçĕсем пикесене хавхалантарма тăрăшрĕç. Районти культурăпа кану центрĕ те парнесемпе чысларĕ. Культура учрежденийĕсем ял тăрăхĕсемпе тачă çыхăнура ĕçлени кулленхи ĕçре пулăшать.
Источник: "Пурнăç çулĕпе" Аликовская районная газета