Публикации » Тимлĕхе çухатмалла мар

22 марта 2014 г.

Çурхи ейÿ - çулленех пулакан çут çанталăк пулăмĕ. Çанталăк палăрмаллах ăшăтрĕ те хулăн çунă юр шывланчĕ, унăн йывăрăшĕ палăрмаллах ÿсрĕ. Çак çурт-йĕрсен çивиттийĕсемшĕн пысăк йывăрлăх кăларса тăратать: йĕпе юр йывăрăшĕпе вĕсем ишĕлес хăрушлăх пур. Çавăнпа та паян пурин те - килте-и е производство объекчĕсенче - çурт-йĕр çивиттийĕсем çинчен юра илсе пăрахассипе ĕçлемелле.

Çурхи шыв çырмасене ансан унти плотинăсемшĕн пысăк хăрушлăх тухса тăрать. Вĕсене татса каясран сыхланасси ял тăрăхĕсемпе вырăнсенчи хуçалăхсен пĕрлехи тăрăшулăхĕ пулмалла.

Юр ирĕлнĕ май сĕрмели-çунтармалли материалсем, минераллă удобренисемпе ытти им-çам упранакан складсем тĕлĕшпе тимлĕх пысăк кирлĕ. Шыв плотинисем таврашĕнчи пекех кунти лару-тăрупа та тăтăш паллашса тăмалла.

В.ОСИПОВ,

район администрацийĕн ятарлă программăсен секторĕн специалисчĕ.

Источник: "Пурнăç çулĕпе" Аликовская районная газета