08 февраля 2014 г.
Иртнĕ эрнере арçынсем хушшинче залра мини-футболла выляссипе район чемпионачĕ вĕçленчĕ. Икĕ уйăха тăсăлнă турнира пурĕ 8 команда хутшăнчĕ.
Вăйăсем çивĕч кĕрешÿре иртрĕç. Чемпионатра пур командăна та çĕнтерсе райпо çамрăкĕсем малти вырăна тухрĕç, чемпион ятне тивĕçрĕç. Иккĕмĕш вырăнта шĕмшеш футболисчĕсем пулчĕç, виççĕмĕшсем – «Тепловодоканал» общество спортсменĕсем.
Элĕксем çавăн пекех волейбол вăййине те кăмăллаççĕ. Акă февралĕн 9-мĕшĕнче Элĕкри «Хĕлхем» спорт комплексĕнче республика чемпионачĕн виççĕмĕш турти вăййисем иртĕç.
С.ЛАВРЕНТЬЕВ.
Источник: "Пурнăç çулĕпе" Аликовская районная газета