30 сентября 2013 г.
Ураскилт чиркĕвĕн настоятелĕ Александр протоиерей тата Шупашкар тата Чăваш
митрополичĕ Варнава кĕлĕсем вуларĕç, уяв ячĕпе саламларĕç. Кун хыççăн пурте
чиркÿ тавра хĕреслĕ çул туса çаврăнчĕç.
Çав вăхăтра стадионта районти шкул ачисем хушшинче мини-футболла выляссипе
турнир иртрĕ. Пурĕ 9 команда хутшăнчĕ, вĕсенчен 5-шĕ хĕрсен. Арçын ачасем те,
хĕрсем те пысăк ăсталăх кăтартрĕç. Хĕр ачасен ушкăнĕнче Ураскилт шкулĕн команди
çĕнтерчĕ. Иккĕмĕшпе виççĕмĕш вырăнсене Чăваш Сурăм тата Тавăт шкулĕсен хĕр
ачисем тивĕçрĕç. Арçын ачасен ушкăнĕнче Шĕмшеш шкулĕнче вĕренекенсем ăстарах
пулни палăрчĕ. Элĕкпе Тавăт шкулĕнче вĕренекенсем иккĕмĕшпе виççĕмĕш вырăнсене
пайларĕç. Тавăт шкулĕнчи М.Васильев «Чи лайăх вратарь», Шĕмшешри А.Григорьев «Чи
лайăх тапăнакан», ку шкулти Д.Иванов «Чи лайăх хÿтĕлекен» ята тивĕçрĕç.
Хĕрсенчен Ураскилт шкулĕнчи А.Степанова «Чи лайăх вратарь» пулса тăчĕ. Тавăт
шкулĕнчи В.Герасимова «Чи лайăх тапăнакан», Чăваш Сурăмĕнчи А.Андреева «Чи лайăх
хÿтĕлекен» ята илчĕç.
Турнира ирттерме райпо председателĕ Ю.Харитонов, МСО ертÿçи С.Лаврентьев тата
ыттисем пулăшу кÿчĕç.
Ю.КОРНИЛОВ.
Источник: "Пурнăç çулĕпе" Аликовская районная газета