Публикации » Ялтах тĕпленнĕ

11 сентября 2013 г.

Çамрăксăр ял – чечексĕр уй-хир, унăн пуласлăхĕ те çук. Шĕмшеш ял тăрăхне
кĕрекен Ишпарайккăра çамрăк çемьесем те пур. Вĕсенчен пĕри Александровсем. Радим
Михайловичпа Марина Николаевна ялтах пурăнас тĕллев тытнă. Çавăнпа та иртнĕ çул
вĕсем пысăк çĕнĕ çурт çĕклесе лартнă. Çулталăкра пурăнмалли пÿрте куçмалла тунă.
Александровсем икĕ ачана кун çути парнеленĕ. Ксения садике çÿрет пулсан, тепри –
амăшĕн хÿттинче. Икĕ аслă пĕлÿ илнĕ кил хуçи арçынĕ «Рабия» Агрофирмăн» Шĕмшешри
уйрăмĕнче ертÿçĕре тăрăшать. Марина мăшăрĕ педагога вĕренсе тухнă, хальлĕхе
килте ачапа ларать.

Источник: "Пурнăç çулĕпе" Аликовская районная газета