04 сентября 2013 г.
Тулли кăмăлпа, çĕнĕ вăй-халпа кĕтсе илтĕмĕр вĕренÿ çулне. Çуллахи каникул
кунĕсенче ачасенчен хăшĕ-пĕри кил-хуçалăхра ĕçленĕ пулсан, теприсем «Витязь»
обществăра хастарлăх кăтартнă. Çавăнпа та вĕсене ку общество ертÿçи, районти
депутатсен Пухăвĕн депутачĕ Леонид Николаевич Четриков парнесем пачĕ. Çавăн
пекех Шĕмшешри вăтам шкул коллективне, вĕренекенсене районти вĕренÿ пайĕн ĕçченĕ
Людмила Петрова çитĕнÿсем тума ырлăх-сывлăх сунчĕ.
2013-2014 вĕренÿ çулĕнче Шĕмшешри вăтам шкулта 94 ача пĕлÿ илĕ. Вĕсене
вĕрентсе воспитани парас ĕçре 16 педагог тăрăшать. Ачасен йышĕ, унчченхи
çулсемпе танлаштарсан, питех чакман. Шел пулин те, кăçал пĕрремĕш класа пĕр
вĕренекен çеç килчĕ. Савдиер Андреева А.З.Гаврилова вĕрентĕ.
А.ДИМИТРИЕВА,
директорăн вĕренÿ енĕпе ĕçлекен çумĕ.
Источник: "Пурнăç çулĕпе" Аликовская районная газета