12 декабря 2012 г.
Чăваш халăх сайчĕпе Чăваш чĕлхин инçет вĕренÿ центрĕ çулсеренех фантастика темипе çырнă хайлавсен конкурсне ирттерет. Кăçал вăл «Ăраскал çăлтăрĕ» ятпа пулнă. Ăна ачасемпе çамрăксене тата чăваш чĕлхипе литературине, культурине вĕрентекенсене чăваш халăхĕн кун-çулĕпе кăсăклантарас, литература пултарулăхне аталантарас, çутçанталăкра, тăван тавралăхра пулса иртекен чи кăсăк енсене илемлĕ литература мелĕсеме уçса пама хавхалантарас тĕллевпе йĕркеленĕ. Конкурса 30 çула çитмен çамрăксемпе шкул ачисем тата вĕрентекенсемпе ăслăлăх ĕçченĕсем хутшăннă. Мăн Ямаш шкулĕнче 9-мĕш класра вĕренекен Инесса Шашкинан «Пурнăçланнă ĕмĕт» калавне комисси членĕсем пысăк хак панă. Хĕр ача виççĕмĕш вырăн йышăннă.
Источник: "Пурнăç çулĕпе" Аликовская районная газета