Публикации » Пылак çимĕç пачĕç, калаçу ирттерчĕç

Çĕнĕ çул уявĕсенче ачисем çине япăх витĕм кÿрекен ашшĕ-амăшĕсене тĕрĕслес тата тĕпренчĕкĕсене уяв парнелес тĕллевпе республикăра «Полици Хĕл Мучийĕ» ятпа иртнĕ акцие Элĕкри полици уйрăмĕ те активлă хутшăнчĕ. 2011 çулхи раштавăн 23-мĕшĕпе 2012 çулхи кăрлачăн 21-мĕшĕччен Хĕл Мучи сумлă право хуралĕн ĕçченĕсемпе йывăр çемьесенче пулчĕç. Районти полици уйрăмĕн начальникĕн çумĕ А.Константинов Çĕнĕ çул умĕн Шĕмшеш тăрăхĕнчи йывăр лару-тăрура пурăнакан ачасене пылак çимĕçпе, Хĕл Мучи кучченеçĕпе сăйларĕ.

Асăннă ял тăрăхĕнче Çĕнушкăнри Афанасьевсемпе, Дмитриевсемпе, Яккушкăнĕнчи Егоровсемпе калаçу ирттертĕмĕр. Çĕнĕ çул уявĕсем вăхăтĕнче 18 çул тултарман яш-кĕрĕмпе хĕр-упраçа спирт хутăшĕллĕ шĕвек сутнине те тупса палăртрăмăр.

Çавăн пекех уйрăм çынсем пĕлтернĕ хыççăн шкул ачисене чĕлĕм сутнă тĕслĕхсем те çиеле тухрĕç. Айăплисене явап тыттарнă.