16 ноября 2018 г.
Ноябрĕн 13-мĕшĕнче Шупашкарти Ф.П.Павлов ячĕллĕ музыка училищинче Пĕтĕм Раççейри халăх кĕввисене кăмăллакансен «Ырра пултăр» конкурс иртнĕ. 2018 çулхи Президент гранчĕсен çĕнтерÿçин çул-йĕрĕ - культура тата ÿнер проекчĕсене пулăшасси.
Конкурса Раççейри халăх кĕввисене кăмăллакансен йăли-йĕркине упраса хăварма тата аталантарма условисем туса парас, çамрăк талантсене професси енĕпе ÿс-ме пулăшас тĕллевпе йĕркеленĕ.
Элĕкри ача-пăча ÿнер шкулĕн тăватă вĕренекенĕ конкурсăн пĕччен юрламалли номинацийĕсене хутшăнса дипломсем çĕнсе илнĕ. Фольклор класĕнчи Никита Арсентьев 1-мĕш степеньлĕ лауреат, Карина Григорьева 2-мĕш степеньлĕ лауреат, купăс класĕнчи Михаил Барашов 3-мĕш степеньлĕ лауреат, Даниил Кириллов 1-мĕш степеньлĕ дипломант пулса тăнă.
Ачасен çĕнтерĕвĕнче Владимир Терентьевпа Алина Михайлова педагогсен тÿпи пысăк пулнине палăртмала.
Елена ИВАНОВА.
Источник: "Пурнăç çулĕпе" Аликовская районная газета