01 ноября 2016 г.
Иртнĕ кунсенче Хуравар ялĕнче пурăнакан Татьяна Карпова 90 çулхи юбилейне паллă турĕ. Ăна саламлама район администрацийĕн пуçлăхĕн социаллă ыйтусемпе ĕçлекен çумĕ Эдуард Николаев тата районти социаллă хÿтлĕх пайĕн специалисчĕ Фаина Трофимова кăмăл турĕç. Эдуард Владимирович Раççей Федерацийĕн Президенчĕн Владимир Путинăн çырăвĕнчи саламне ăшшăн вуласа пачĕ. Ăна вăрăм кун-çул, çирĕп сывлăх, ырă кăмăл сунчĕ. Юбиляра вĕсем Тав хучĕ тата парне парса чысларĕç. Татьяна Карповна пурнăçра хура-шурне сахал мар курнă, çапах та пуçне усман, чунри çепĕçлĕхпе ыркăмăллăхне çухатман. Кашни çĕнĕ кунпа киленсе савăнма тăрăшать ватă.
Источник: "Пурнăç çулĕпе" Аликовская районная газета