22 декабря 2015 г.
Декабрĕн 17-мĕшĕнче Шупашкарта «Çамрăксем - Чăваш Енĕн ĕç потенциалĕ» ятпа Чăваш Республикинчи Çамрăксен форумĕ иртнĕ. Ăна çамрăксене профессипе çыхăннă йывăр ыйтусене татса пама тата ку тĕлĕшпе тивĕçлĕ çул-йĕр тупма пулăшас, çамрăксене обществăн социаллă, экономика тата политика пурнăçне хутшăнтарас тĕллевпе йĕркеленĕ.
Форумра савăнăçлă лару-тăрура Б.С. Марков ячĕллĕ Тавăт вăтам шкулĕн волонтерне Виктория Герасимовăна Чăваш Республикин вĕренÿ тата çамрăксен политикин министрĕн В.Н. Ивановăн Тав хутне панă. Вĕренекен çак хисепе 1941-1945 çулсенчи Тăван çĕршывăн Аслă вăрçинче Çĕнтерÿ тунăранпа 70 çул çитнине халалласа Пĕтĕм Раççейри волонтерсен корпусĕ йĕркеленĕ мероприятисене хастар хутшăннăшăн тивĕçнĕ.
Источник: "Пурнăç çулĕпе" Аликовская районная газета