22 мая 2015 г.
Районти пĕтĕмĕшле пĕлÿ паракан учрежденисенчи пултаруллă вĕренекенсене çулленех район администрацийĕн пуçлăхĕн стипендине параççĕ. Кăçал çак чыс-хисепе 7 вĕренекен тивĕçнĕ. Кусем - Элĕк вăтам шкулĕнче 10-мĕш класра вĕренекен Ирина Иванова тата 8-мĕш «а» класра ăс пухакан Анастасия Григорьева, Тавăт вăтам шкулĕн 9-мĕш класри Сергей Лаврентьев тата 10-мĕш класра вĕренекен Елена Ярхуткина, Юнтапари 10-мĕш класри Марина Дуткина, Шĕмшеш вăтам шкулĕн 8-мĕш класс вĕренекенĕ Никита Никитин тата 10-мĕш класри Анна Удиванова.
Çак вĕренекенсем 2015 çулхи майăн 1-мĕшĕнчен пуçласа 2016 çулхи февралĕн 29-мĕшĕччен уйăхсерен 300 тенкĕ стипенди илсе тăрĕç.
Источник: "Пурнăç çулĕпе" Аликовская районная газета