13 сентября 2016 г.
Ĕнер, сентябрĕн 12-мĕшĕнче, Ураскилт ял тăрăхĕн пуçлăхĕ кам пуласси уçăмланчĕ. Вăл - Алина Яковлевна Филиппова.
Чи малтанах ял тăрăхĕн пуçлăхне лартассипе ĕçлекен комиссин ларăвĕ иртрĕ. Кунта комисси членĕсем конкурса хутшăнма кăмăл тунă кандидатсемпе куçа-куçăн калаçнă хыççăн йышăнăва Ураскилт ял тăрăхĕн депутачĕсен Пухăвне тăратрĕç. Вырăнти халăх суйлавçисем те комисси йышăнăвĕпе килĕшнине пĕлтерчĕç, ял тăрăхĕн тилхепине тытса пыма Алина Филипповăна шанса пачĕç.
Алина Яковлевна Филиппова Ураскилт салинче пурăнать, çемьеллĕ. Вăрнарти ял хуçалăх техникумĕнче вĕреннĕ, кайран пĕлĕве Мари Республикинче патшалăх университетĕнче ÿстернĕ. Паянхи кунччен Элĕкри ватăсен çурчĕн заведующийĕнче тимленĕ.
Источник: "Пурнăç çулĕпе" Аликовская районная газета