15 ноября 2016 г.
Ĕнер, ноябрĕн 14-мĕшĕнче, призыв комиссийĕ витĕр тухнă каччăсен тепĕр ушкăнĕ çара ăсанчĕ. Ушкăнăн-ушкăнăн салтак юрри шăрантарса ирхи сакăр сехет тĕлне çитрĕç çамрăксем палăртнă вырăна. Чăваш Республикин çар ĕç комиссариачĕн Муркаш-Элĕк пайĕн начальникĕ Владимир Иванович Казаков салтак атти тăхăнакан Артур Митрофанова (Янкурас), Сергей Маркова (Чулкаç), Иван Григорьева (Ураскилт), Дмитрий Евдокимова (Ехремкасси), Александр Кузьмина (Крымсарайкка), Денис Леонтьева (Писĕп) çак тивĕçе тÿрĕ кăмăлпа пурнăçлама ăнăçу сунчĕ. Пурин те киле тĕрĕс-тĕкел çаврăнса çитмеллине палăртса каларĕ. Çавăн пекех вăл ашшĕ-амăшне сывлăх енчен çирĕп, çĕршыва юрăхлă ывăлсем çитĕнтернĕшĕн тав турĕ.
Источник: "Пурнăç çулĕпе" Аликовская районная газета