26 января 2016 г.
Урамсенчи çутă ыйтăвĕ яланах çивĕч пулнă. Вăл çын пурнăçĕнче питĕ пысăк вырăн йышăнать. Ялти çынсене пурăнма лайăх условисем туса парас тĕллевпе Питĕшкасси ял тăрăхĕнчи пилĕк ялта диодлă лампăсем вырнаçтарнă. Унччен ку ĕçе Писĕп ялĕнче те туса ирттернĕ.
Ял тăрăхĕн администрацийĕ электроэнергие перекетлекен 70 пин тенкĕлĕх 145 прожектор туяннă. Вĕсене вырнаçтарассипе Вячеслав Филимонов пысăк пулăшу кÿнĕ. Питĕшкасси ял тăрăхĕнче пурăнакансене Çĕнĕ çул умĕнхи парне чăннипех те килĕшнĕ.
Источник: "Пурнăç çулĕпе" Аликовская районная газета