03 июня 2013 г.
Район администрацийĕн вĕренÿ пайĕ пĕтĕмĕшле пĕлÿ паракан вĕренÿ
учрежденийĕсен хальхи йышши апат-çимĕç блокĕн модельне оптимизацилемелли
программăна пурнăçа кĕртме база шкулĕсене палăртнă. Кусем – Питĕшкассинчи, Чăваш
Сурăмĕнчи, Тавăтри вăтам шкулсем. Юсав ĕçĕсемпе тата хальхи технологи
оборудованийĕпе тивĕçтерессине палăртас тĕллевпе шкулсен администрацийĕсем
пÿлĕмсем тата пур пек оборудовани мĕнлине палăртса пĕтĕмĕшле инвентаризаци
ирттернĕ.
Юсав ĕçĕсене пурнăçлама халĕ смета документацийĕ хатĕрленĕ. Шкулсен
столовăйĕсене модернизацилеме вырăнти бюджетран та укçа уйăрнă.
Чăваш Республикинчи вĕренÿ, çамрăксен политики министерствин тата район
администрацийĕн килĕшĕвĕпе çĕнĕ вĕренÿ çулĕ пуçланиччен асăннă вĕренÿ
учрежденийĕсене республика бюджечĕн шучĕпе технологи оборудованине лартса
параççĕ.
Источник: "Пурнăç çулĕпе" Аликовская районная газета