Публикации » «Йăла-йĕрке - санăн пурнăç»

05 апреля 2014 г.

    Туберкулез чирне хирĕç кĕрешессипе çулсеренех «Шурă ромашка» уйăхлăх иртет. Ял çыннисене асăннă чир-чĕр сăлтавне, вăл этеме мĕнле сиен кÿнине ăнлантарас тĕллевпе Ехремкассинчи пĕтĕмĕшле практика врачĕн офисĕн медицина сестри А.Никандрова тĕл пулу йĕркеленĕ. Вăл пухăннисемпе «Йăла-йĕрке - санăн пурнăç» ятпа калаçу ирттернĕ. Чи малтанах акцине мĕн тĕллевпе, хăçан пуçарса яни çинчен каласа панă. Туберкулез мĕнле органсене сиен кÿнине, унран мĕнле сыхланмаллине ăнлантарнă. Çавăн пекех «Çăмăллăн сывлатпăр» стенд хатĕрленĕ. Мероприяти вĕçĕнче «Тулли кăкăрпа сывлатпăр» буклет валеçсе панă. Унта туберкулеза хирĕç кĕрешмелли тĕп принципсене палăртнă.

А.АНДРЕЕВА.

Источник: "Пурнăç çулĕпе" Аликовская районная газета