19 марта 2019 г.
Хĕллехи вăхăтра пулла çÿреме юратакансем хушшинче ăмăрту йĕркелесси йăлана кĕчĕ ĕнтĕ. Акă иртнĕ канмалли кунсенче пулă тытассипе черетлĕ ăмăрту иртрĕ. Вутлан ялĕ çумĕнчи плотина пурĕ 30-а яхăн пулăçа пуçтарчĕ. Кунта вĕренÿ тытăмĕнче ĕçлекенсем пулчĕç. Чи малтан пăр шăтарса пĕрремĕш пулă тытассипе Вутлан шкулĕнчи Дмитрий Сергеев палăрчĕ. Ун хыççăн ăмăртусен тĕп тапхăрĕ пуçланчĕ. 3 сехет çурă чăтăмлăха тĕрĕсленĕ хыççăн «Чи нумай пулă тытакан» номинацире Мăн Ямаш шкулĕн ĕçченĕ Геннадий Малов çĕнтерчĕ. Иккĕмĕш вырăна Вутлан шкулĕнчи Сергей Андреев, виççĕмĕшне Элĕк вăтам шкулĕн вĕрентекенĕ Юрий Алексеев тивĕçрĕ. «Чи пысăк пулă» номинацире Вутланти Сергей Андреев çĕнтерÿçĕ пулса тăчĕ. Пăра шăтарас енĕпе чи маттурри Мăн Ямаш шкулĕн вĕрентекенĕ Евгений Назаров пулчĕ. Çак шкулти Андрей Иванов иккĕмĕш, Элĕкри «Хĕлхем» спорт шкулĕн тренерĕ Александр Тимофеев виççĕмĕш вырăна тухрĕ. Пулă тытассипе чи лайăх командăсене те палăртрăмăр. Мăн Ямаш шкулĕн ĕçченĕсем чи лайăх пулăçсем ята çĕнсе илчĕç. Кĕмĕл призерсен йышне Вутлан шкулĕн команди кĕчĕ. Пăхăр медале Элĕк вăтам шкулĕ тивĕçрĕ.
Источник: "Пурнăç çулĕпе" Аликовская районная газета
Источник: "Пурнăç çулĕпе" Аликовская районная газета