29 июня 2018 г.
Пĕтĕм тĕнчери наркомание хирĕç кĕрешмелли куна халалласа «Наркотиксем çук!» акцие хутшăнса районти тĕп больницăра наркотика хирĕçле тĕрлĕрен мероприяти пулнă. Июнĕн 26-мĕшĕнче Уçă алăксен кунне ирттернĕ. Çавна май кăмăл пуррисем психиатр-нарколог врач, медицина психологĕн консультацине илнĕ, анонимлă тишкерÿ витĕр тухнă. Поликлиникăн иккĕмĕш хутĕнче «Наркотиксемсĕр пурнăç» темăпа буклетсен, листовкăсен, памяткăсен куравне йĕркеленĕ. Медицина ĕçченĕсен ачисем хушшинче «Наркотиксене çук тесе кала» ÿкерчĕксен конкурсĕ иртнĕ.
Источник: "Пурнăç çулĕпе" Аликовская районная газета