Публикации » Ĕçлесен ÿсĕм пулать

14 февраля 2017 г.

Ĕçлеме ÿркенменнисем пур çĕрте те маттур. Качалав ялĕнче пурăнакан Александрпа Надежда Петровсем çулсеренех выльăх-чĕрлĕх йышне ÿстерсе пыраççĕ. Вĕсен кил хуçалăхне пĕчĕк ферма тейĕн: сумалли 7 ĕне, 3 пăру. Килти хушма хуçалăха аталантарассинче ывăлсем те тăрăшаççĕ. Петровсене çĕр ĕçлеме вăй-хал парса тăрать. Йышлă выльăха хĕл каçарма апатне те ытлă-çитлĕ хатĕрлемелле-çке. Никама та шанма хăнăхман мăшăр хăйсен ĕçне çăмăллатма тракторпа икĕ мотоблок туяннă. Петровсем кунсеренех патшалăха 70 ытла литр сĕт парса услам тăваççĕ. Вăрнар районĕнчи тата хăйсен тăрăхĕнчи ялсем хушшинче райпона сĕт парассипе малти вырăнта вĕсем.

Источник: "Пурнăç çулĕпе" Аликовская районная газета