06 сентября 2014 г.
Авăн уйăхĕн 3-мĕшĕнче Раççейре терроризма хирĕç кĕрешекенсен пĕршухăшлăх кунне паллă турăмăр. Вăл Бесланта 2004 çулта пулса иртнĕ синкер пулăмсемпе çыхăннă. Çурçĕр Осетинче терракт вăхăтĕнче вилнисене асăнса районти пур шкулта та мероприятисем иртрĕç. Вутланти пĕтĕмĕшле пĕлÿ паракан тулли мар вăтам шкулта 5-9-мĕш классемпе «Эпир астăватпăр» класс сехечĕ ирттернĕ. Б.С.Марков ячĕллĕ Тавăт вăтам шкулĕнче вĕренекенсем астăвăм линейкине пухăннă. Ачасем сăвăсем вуланă, шăп тăрса ним айăпсăр пуç хунисене асăннă. Чăваш Сурăм вăтам шкулĕнчи вĕренекенсем «Беслан синкерлĕхĕ» презентаципе паллашнă, словарь ĕçĕ çырнă. Кĕçĕн классенче вĕренекенсене «Беслан астăвăмăн ахрăмĕ» фильм кăтартнă. Юнтапа, Питĕшкасси, Йăлкăш шкулĕсенче те терроризма хирĕç кĕрешмелли çинчен калаçнă.
Л.КУЗНЕЦОВА,
районти вĕренÿ пайĕн аслă методисчĕ.
Источник: "Пурнăç çулĕпе" Аликовская районная газета