14 мая 2014 г.
Çуркунне çитсен тăван тавралăха тирпейлесси Тури Татмăшра йăлана кĕнĕ. Шыв-шур типсен ял çынни кил-хуçалăхĕ умĕнчи лаптăка хăтлăх кĕртет. Хыççăн ушкăнăн-ушкăнăн ялти пĕвесене юсатпăр, çырма-çатрасенче çÿп-çапа пуçтаратпăр.
Иртнĕ кунсенче акă Тури Татмăшра пурăнакан Альбина Ильина, Иван Титов, Евгений Федоров, Иван Владимиров тата Сергей Захаров «Ласточка» пĕве пуçне юсаса çирĕплетрĕç. Темĕн çÿллĕш ÿссе кайнă, вăйлă çил-тăвăлта хуçăлса ÿкнĕ йăмрасене касса тирпейлерĕç. Кун йышши субботниксене çу кунĕсенче те ирттерме палăртнă. Тăван тавралăх илемĕ хамăртан килнине ăнланаççĕ ял çыннисем.
И.СОРОКИН, Тури Татмăш ял старости
Источник: "Пурнăç çулĕпе" Аликовская районная газета