14 декабря 2013 г.
«Правда» пĕрлешÿллĕ хуçалăхăн сад-пахча вырăнĕнче йĕлтĕрçĕсен (спорт) базине йĕркелеме шутланă. Çавна май Ехремкасси ял тăрăхĕн администрацийĕ район пĕлтерĕшлĕ йĕлтĕрçĕсен базине уçас ыйтупа райадминистрацине тухнă. Ятарлă комисси çакăнти территорие тĕплĕн тĕрĕсленĕ. Кун хыççăн Качалав тата Ехремкасси ялĕсенче пурăнакансем асăннă тавралăха пĕр эрнерех тасатса-тирпейлесе тухнă. Пĕтĕм ĕçсене Никодим Семенов йĕркелесе пынă. Тирпей-илем ĕçĕсенче Олег Быков, Герман Скворцов, Василий Степанов, Андрей Грачев, Василий Волков, Валерий Горшков, Алексей Архипов, Юрий Львов, Алексей Багров, Михаил Никандров, Олег Михайлов уйрăмах хастар пулнă.
Г.ГЕННАДЬЕВ.
Источник: "Пурнăç çулĕпе" Аликовская районная газета