19 августа 2013 г.
Татмăш ялĕн çамрăкĕсем пушă вăхăта усăллă ирттерме пĕлеççĕ. Вĕсем каç
пулттипе ял çывăхĕнчи лапама пуçтарăнса волейбол вăййине выляççĕ. Çу кунĕсенче аслăрах çулхисемпе пĕрле шкул ачисем те спортпа туслашрĕç.
Çакна палăртма кăмăллă, кăçалхи июль уйăхĕнче Татмăшри Сапожниковсем
пуçарулăх кăтартрĕç, ял уявне йĕркелесе ирттерчĕç. Шупашкарти чăваш эстрада
артисчĕсене чĕнсе илчĕç. Вăйăсем те пулчĕç. Çамрăксем командăсене пайланса
волейболла, футболла вылярĕç. Уявра шÿрпе те тутанчĕç. Пĕтĕм тăкака
Сапожниковсем хăйсем çине илчĕç.
А. ГОРШКОВ.
Источник: "Пурнăç çулĕпе" Аликовская районная газета