09 июня 2012 г.
Районти хуçалăхсенче çурхи ака-суха ĕçĕсем, тĕпрен илсен, вĕçленнĕ. «Рабия» общество çурхи тĕш тырă культурисене 1200 гектар ытла акса хăварнă. «Новый путь» хуçалăх та ку енĕпе плана пурнăçланă, тырă 720 гектар акнă. Çĕр улмие кăçал С.Волков, «Журавлев» Г.Исаев, В.Узянов хресчен-фермер хуçалăхĕсем уйрăмах пысăк лаптăкра – 260-115 гектар çинче туса илме палăртнă.
Ял хуçалăх культурисене пăхса ÿстерессипе ĕçсем пуçланчĕç. Кĕр калчисене гербицидсемпе 1610 гектар имçамланă. Ку енĕпе те «Новый путь» , «Рабия» хуçалăхсем лайăх ĕçлеççĕ.
«Новый путь» хуçалăхра утă çулма тухрĕç. Ку ĕçе 400 гектар майлă пурнăçланă. Источник: "Пурнăç çулĕпе" Аликовская районная газета