20 апреля 2011 г.
– çак девизпа Элĕкри культурăпа кану центрĕнче вырсарни кун Элĕкпе Вăрнар, Етĕрнепе Хĕрлĕ Чутай тата Муркаш районĕсенчи халăх театрĕсен смотр-конкурсĕ иртрĕ. Сакăр сехете тăсăлнă мероприятире элĕксем А.Эсхелĕн – «Виçĕ туй» пьесин сыпăкĕпе, татмăшсем Ф.Павловăн – «Судра» комедийĕпе, муркашсем В.Синичкинăн – «Кÿршĕсем пек пурăнар» интермедийĕпе, хĕрлĕ Чутайсем В.Петровăн – «Якраç-и, Якраç мар-и;» комедин сыпăкĕпе тата çав районти Сĕнтĕкçырминчи Культура çурчĕн драма коллективĕ Н.Угаринăн шухăша яракан «Улькка инкен виçĕ кинĕ» инсценировкипе сцена çинче пулма ĕлкĕрчĕç.
Çавăн пекех халăх театрне çÿрекен Элĕкри вăтам шкул çамрăкĕсем вырăсла юмах кăтартрĕç, тылпа ĕç ветеранĕсене халалланă сăвăсем пăхмасăр каларĕç. Тени ялĕнчен килнĕ Тамара Иванова ĕç ветеранĕ те пултарулăхпа палăрчĕ.
Смотр-конкурса Шупашкартан килнĕ жюри членĕсем вырăнти артистсен пултарулăхне лайăх хак пачĕç. Источник: "Пурнăç çулĕпе" Аликовская районная газета