04 декабря 2018 г.
Ноябрĕн 30-мĕшĕнче Чăваш наци конгресĕ йĕркеленипе Шупашкарта «Раççей чăваш пики» конкурс иртнĕ. Тутарстан, Тюмень тăрăхĕсенчи тата Чăваш Ен районĕсенчи конкурссенче çĕнтернĕ чиперуксем «Раççей чăваш пики – 2018» ята илессишĕн ăмăртнă. Элĕк район чысне Мăн Вылă ялĕнчи Инесса Шашкина хÿтĕленĕ. Инессăн тĕрлĕ конкурс витĕр тухма тивнĕ. Хăйĕн çинчен каласа парассипе, пултарулăх конкурсĕпе, чăваш апатне хатĕрлесе ун çинчен кăсăклă каласа парассипе, ăс-тăн конкурсĕпе тата чăваш тумĕпе сцена çинче утса илем кăтартассипе ытти хĕр тантăшĕсенчен нимпе те юлман ентешĕмĕр. Хальхинче çĕнтерÿçĕсен йышне кĕреймен пулин те куракансен юратăвне туллинех тивĕçнĕ Инесса.
Источник: "Пурнăç çулĕпе" Аликовская районная газета