07 августа 2018 г.
Районти хуçалăхсенче вырма ĕçĕсем сарăлсах пыраççĕ. Августăн 6-мĕшĕ тĕлне илсен, кĕр тыррисене 1480 гектар, çав шутран кĕрхи тулă -1400, ыраш - 80 вырнă. «Новый путь», Ульянов ячĕллĕ хуçалăхсенче, С.Волков, Ю.Никифоров, Г.Петриков ертсе пыракан хресчен-фермер хуçалăхĕсенче кĕр тыррисене вырса пĕтернĕ.
Уй-хирте пурĕ 13 комбайн ĕçлет. Тĕш тырă культурисен вăтам тухăçĕ - 21 центнер. Кĕр тыррисене акма çĕр 2320 гектар хатĕрленĕ. Ку енĕпе «Новый путь», «Авангард», Ульянов ячĕллĕ хуçалăхсем, В.Узянов, С.Андреев, Ю.Никифоров ертсе пыракан хресчен-фермер хуçалăхĕсем ăнăçлăрах ĕçлеççĕ. Выльăх апачĕ хатĕрлессипе ĕçсем малалла пыраççĕ. Утă 3100 тонна, сенаж - 3600, силос 3800 тонна янтăланă. Кашни условнăй выльăх пуçне илсен, выльăх апачĕ 16 центнер апат единици хатĕрленĕ.
Источник: "Пурнăç çулĕпе" Аликовская районная газета