06 октября 2015 г.
Районти хуçалăхсенче ял хуçалăх культурисене пухса кĕртес ĕç вĕçленсе пырать. Тырă вырса, çĕр улми кăларса пĕтернĕ май хĕрÿ ĕç шавĕ пахча çимĕç культурисен уйне куçнă.
Купăста районĕпе 124 гектар йышăнать. Ăна пухса кĕртес ĕçе В.Узянов тата В.Варламов ертсе пыракан хресчен-фермер хуçалăхĕсенче тытăннă. Купăста пурĕ 4 гектар ( 3 процент) çинче каснă.
«Новый путь» хуçалăхра кукуруза вырасси кал-кал пырать. Ку ĕçе 160 гектар çинче пурнăçланă. Ешĕл кукурузăран силос хываççĕ.
Кĕрхи çĕртме сухи тăвасси сарăлсах пырать, пĕтĕмпе 3820 гектар сухаланă. Ку енĕпе «Правда», «Алмаз», «Новый путь», Ульянов ячĕллĕ хуçалăхсем, В. Журавлев, С. Волков ертсе пыракан хресчен-фермер хуçалă- хĕсем лайăх ĕçлеççĕ.
Источник: "Пурнăç çулĕпе" Аликовская районная газета