27 октября 2015 г.
Кăçалхи январь-май уйăхĕсенче республикăри театрсемпе драма коллективĕсем «Мухтав ахрăмĕ» республикăри фестивале хутшăнса вырăнсенче хăйсен пултарулăхĕпе паллаштарнă. Районсемпе хуласенчи жюри членĕсем чи лайăххисене палăртса зонăри конкурссене хутшăнма суйланă. Асăннă мероприяти октябрĕн 24-мĕшĕнче Вăрнарти «Централизациленĕ клуб тытăмĕ» культура учрежденийĕнче иртнĕ. Кунта Элĕк, Вăрнар, Йĕпреç тата Етĕрне районĕсенчи театр коллективĕсем хăйсен ăсталăхĕпе паллаштарнă.
Элĕк тăрăхĕнчи 4 коллектив - И.Афанасьева ертсе пыракан халăх театр* Татмăшри ял клубĕ (ертÿçи - Г.Миронова), Тенири культура çурчĕ çумĕнчи (ертÿçи - Л.Васильева), Мăн Вылăри культура çурчĕ (ертÿçи - А.Иванова) хутшăннă унта.
Театр коллективĕсен ĕçне республикăран килнĕ жюри хакланă.
Источник: "Пурнăç çулĕпе" Аликовская районная газета