21 июля 2015 г.
Вырма - ял ĕçченĕсемшĕн хĕрÿ тапхăр. Çавна май тыр-пула хăвăрт, лайăх пахалăхпа пухса кĕртес тĕллевпе хатĕрленÿ ĕçĕсем сарăлсах пыраççĕ.
Хресчен-фермер хуçалăхĕсенче, тĕпрен илсен, «уй-хир карапĕсем» çĕнĕ пулни шанăç кÿрет. В. Узянов, С. Волков, сăмахран, хăйсен комбайнĕсене паян тесен паян уй-хире кăларма пултараççĕ. Г. Петриков та вырмара ăнăçлă ĕçлессе шанать.
«Новый путь» хуçалăхри юсавçăсем яланхиллех яваплăха туйса ĕçлени курăнчĕ. «Правда» хуçалăхри машина-трактор паркĕнче те ĕç шавĕ чарăнмасть. Иван Николаев механизатор ДОН-1500 комбайна тухăçлă ĕçлеттерме ĕмĕтленет. Ульянов ячĕллĕ, «Авангард» хуçалăхсенче те тырă вырмалли техника юсавлă.
К. МАЙОРОВ,
районти гостехнадзор инспекцийĕн ертÿçи.
Источник: "Пурнăç çулĕпе" Аликовская районная газета