17 февраля 2015 г.
Нарăс уйăхĕн 18-мĕшĕнче Пĕрлехи информаци кунĕ иртĕ. Унăн теми - Чăваш Ен Пуçлăхĕ Михаил Игнатьев Патшалăх Канашне янă Çырăвĕ. Унсăр пуçне информаци кунĕнче РФ Президенчĕн Владимир Путинăн «Раççей Федерацийĕнче Литература çулталăкне ирттересси çинчен» 2014 çулхи çĕртме уйăхĕн 12-мĕшĕнчи 426-мĕш номерлĕ Указне пурнăçа кĕртессине тата пенси тытăмне çĕнетсе улăштарнин ыйтăвĕсене пăхса тухĕç.
Информаци ушкăнĕсем Элĕк, Ехремкасси, Мăн Вылă, Крымсарайка, Шĕмшеш, Юнтапа тăрăхĕсене çитсе курĕç, халăхпа тĕл пулу ирттерĕç, предприятисемпе организацисен ĕç коллективĕсемпе актуаллă ыйтусене пăхса тухĕç. Çавăн пекех граждансене хăйсен ыйтăвĕсемпе те йышăнĕç.
Источник: "Пурнăç çулĕпе" Аликовская районная газета