25 декабря 2013 г.
Культурăпа спортăн тĕрлĕ енлĕ мероприятийĕсем вĕренÿ учрежденийĕсенче сахал мар иртеççĕ. Юлашки кунсенче акă Мăн Ямашри пĕтĕмĕшле пĕлÿ паракан вăтам шкулта Мăн Вылăри драмкружок членĕсем «Лар, аннеçĕм, юнашар» спектакль, Элĕкри ветерансен халăх хорĕ концерт килсе кăтартрĕç. Сцена çинче юрă хыççăн юрă шăранчĕ. Концерта Владимир Терентьев баянист ертсе пычĕ. Тивĕçлĕ канури искусство ăстисене шкул дирекцийĕ ăшшăн тав турĕ, столовăйра тутлă апатпа хăналарĕ, район центрне çитиех автобуспа тÿлевсĕр турттарчĕ. Юрлакансем те, куракансем те килĕсене тулли кăмăлпа саланчĕç.
Г. САВЕЛЬЕВ.
Источник: "Пурнăç çулĕпе" Аликовская районная газета