23 ноября 2013 г.
Ачасемпе çамрăксен «Хĕлхем» спорт шкулĕнче çамрăксен канашĕн тата çак пĕрлешÿ ертÿçисен конкурсĕ иртнĕ. Унта Мăн Вылă, Ехремкасси, Питĕшкасси, Юнтапа ял тăрăхĕсенчи çамрăксен канашĕсемпе ертÿçисем хăйсен ăсталăхĕпе пултарулăхне кăтартнă. Вĕсем конкурса тĕрлĕ енлĕ ĕçсене çутатакан стендсене илсе килнĕ. Акă çамрăксен канашĕн ертÿçисем курава «Пирĕн çитĕнÿсем» кăтартупа тухнă. Стендсенче харпăр хăйĕн пурнăç тĕллевĕсем, професси ăсталăхĕ.
Конкурс çĕнтерÿçи – Ехремкасси ял тăрăхĕнчи çамрăксен канашĕ. Иккĕмĕш вырăнта – Мăн Вылă ял тăрăхĕнчи хĕр-упраçсемпе яшсем. Юнтапа ял тăрăхĕнчи çамрăксен канашĕ – виççĕмĕш вырăнта.
Мăн Вылă ял тăрăхĕнчи Анна Иванова «Çамрăксен чи пултаруллă председателĕ» ята тивĕçнĕ.
Источник: "Пурнăç çулĕпе" Аликовская районная газета