14:30 07 февраля 2019 г.
Мухтав сана, Чăваш театрĕ!
Сан кун - çулу кĕрет юрра.
Чăваш çынни сана юратрĕ,
Санра вăл хăй чунне курать.
Раççей Президенчӗн Владимир Путинӑн Указӗпе килӗшӳллӗн 2019 çула пирӗн çӗршывра Театр çулталӑкӗ тесе палӑртнӑ. Театр çулталӑкне халалласа Ямашри Культура Ҫурчӗнче те стенд йӗркелерӗç.
Кулӑшла сценкӑсем, юрӑ-ташӑ номерӗсем, ҫынна култарасси - ҫӑмӑл ӗҫ мар. Артистсем тӗрлӗ рольсене калӑплаҫҫӗ, хӑш чухне вӗсене тӑванӗсем те паллаймаҫҫӗ.
Тăрăшса тата чуна парса ĕçлени çынна мухтава кăларать. Пире валли илемлĕ те чаплă театр пултăр тесе мĕн чухлĕ çын вăй хунă. Артист ĕçĕ те çăмăл мар: кăнтăрла репетици, каçпа сцена. Ĕç çынна илем кÿрет. Çапах та вĕсем йывăрлăхсенчен хăрамаççĕ.
«Ямаш ен» фольклор ушкӑнне ҫÿрекенсем: Александров Вячеслав, Краснов Аркадий, Семенов Николай, Харитонов Владимир Ямашри Культура Ҫурчӗнче ҫӗнӗ стендсене майлаштарса ҫакма пулӑшрӗҫ, сцена ҫине чӑваш тӗрри вырнаҫтарчӗҫ. Çĕр çинче çын алли тĕкĕнмен ĕç çук та пулĕ. Кашни ĕçех юратса, чунтан парăнса пурнăçласан пирĕн пурнăç аталанса çеç пымалла. Ахальтен мар чăвашсем: "Ĕç — пурнăç илемĕ”, — теççĕ. "Ĕç пурнăç тытать, ĕç телей кÿрет”, — тенĕ ваттисем. Паллах, кашни çыннăн хăйĕн ĕçĕ-хĕлĕ, хăйĕн савăнăçĕ, хăйĕн телейĕ.
Ямашевский территориальный отдел