00:00 09 марта 2011 г.
Телей тени çумра савнă мăшăр пулни,
Кил-çурт тулли ача-пăча сасси пулни.
Хăвăлçырма ялĕнче пурăнакан Арталионпа Валентина Ловкинсем пилĕк ывăл çуратса ÿстернĕ. Вĕсем иккĕшĕ те нумай çул хушши фермăра ĕçлесе тивĕçлĕ канăва тухнă. Пилĕк ывăлтан иккĕшĕ ялта пурăнаççĕ. Валентинăпа Арталион паянхи кун та ачисемшĕн чунне пама хатĕр.
Аслă Çăварни кунĕ ялта тĕпленнĕ Анатолий ывăлĕ ςĕнĕ ςурт ĕçкине пĕтĕм тăванне пуçтарчĕ. Çăмăлах мар хальхи вăхăтра çурт çĕклеме.
Çапах та патшалăх ялти çамрăк çемьесене пулăшас тĕллевпе «Çамрăк çемье» программа çирĕплетрĕ. Шăпах çак программă пулăшăвне тивĕçрĕç те ĕнтĕ Ловкинсем. . Çемье пуçĕ, Анатолий, ООО « Слава картофелю - Яльчики» агрофирмăра вăй хурать. Кирек мĕнле ĕç хушсан та вăл ÿркенсе тăмасть. Мăшăрĕ – Наталья, хальхи вăхăтра килте икĕ ывăлне, Артемпа Ивана, сывлăхлă ÿстерессишĕн тăрăшать.
Тăрăшуллă ςамрăксем алла усса лармаςςĕ. Картиш тулли выльăх -чĕрлĕх ĕрчетме те ĕмĕтленет çамрăк мăшăр.
-«Çамрăк çемье» программă ĕçлени пурнăçа пысăк çăмăллăх кÿчĕ. Пире ăнланса пулăшнăшăн, программăпа ялсенче те анлă усă курма май туса панăшăн, çамрăк çемьесене хавхалантарса пынăшăн район пуçлăхне Н.П.Миллина, ООО «Агрофирма «Слава картофелю -Яльчики» тĕп директорне Х.С. Идиатуллина, Çирĕклĕ Шăхаль ял тăрахĕн пуçлăхне Л.А. Кошкина тата ыттисене те чĕререн тав тăватпăр, - кăмăллăн пĕлтереççĕ Ловкинсем.
«Çамрăк çемье» программăпа пирĕн ялти Алексеевсем те хăтлă кил-çурт хăпартса лартма пултарчĕç. Вĕсем те çитес кунсенчех хăйсен тăванĕсене,кÿрши – аршисене пысăк кĕрекене пухса чыслĕç.