10:29 19 января 2022 г.
2022 çул - Чăваш Республикинче паллă ентешсене халалланă çулталăк. Кашни кěтес хăйěн пултаруллă та маттур çыннисемпе пуян. Комбайнер-и вăл, бухгалтер–и, вěрентекен-и, сутуçă-и, поэт-и… Тěрлě профессинче палăраççě вěсем. Пирěн тăван енре те çакăн пек çынсем пур паллах.
Вӗсенчен пӗрне, Чернов Иван Иосифовича халалласа Аслӑ Чурачӑкри культура ҫуртӗнче «АСĂНУ КАÇĚ» иртрě. Аслă Чурачăк ялěнче ҫуралса ӳснӗ, тӑван шкулшӑн, ял тӑрӑхӗшӗн тата тӑван колхозшӑн чунне парса ӗҫленӗ ентешӗмӗре чысласа ҫулталӑка уҫрӑмӑр. Чернов И.И. пурăннă пулсассăн, кӑрлач уйӑхӗн 18-мӗшӗнче 90 çулхи юбилейне паллă тунă пулěччě.
Районтан килнě хăнасем, пěрле ěçленě юлташěсем, ҫывӑх ҫыннисем куракансене нумай аса илÿ саманчӗсемпе паллаштарчěç.
Асӑну каҫне ачасен «Тевет» фольклор ушкӑнӗ, шкулта вӗренекенсем, ялти культура ҫурчӗ ҫумӗнчи «Илем» ушкӑн тата та пуянлатрӗҫ. Аслă Чурачăк ял библиотеки хатěрленě «2022 çул – паллă ентешсен çулталăкě» выставка та пурне те кăмăла кайрě.
Чернов И.И. ӗҫленӗ колхоз правлени ҫурчӗ ҫинче унӑн ячӗпе «Хисеп хӑми» уҫрӗҫ.
Çынсем каяççě инçете
Пиртен ыйтмасăрах.
Вěсен хисеплě ячěсем
Юлаççě асăмрах.
Иван Иосифович пирěнпе çук пулин те унăн ěçěсем пурăнаççě.
Муниципальное бюджетное учреждение культуры "Централизованная библиотечная система" Комсомольского района Чувашской Республики