08:03 25 апреля 2018 г.
Пирĕн тăван чĕлхе – чăваш чĕлхи. Вăл халăхăн ĕмĕр сӳнми ăс – тăн чечекĕ. Эпир мĕн пĕчĕкрен чăвашла калаçса ӳсетпĕр. Чăваш чĕлхи- атте-анне чĕлхи. Тăван чĕлхе – чи çепĕç те илемлĕ чĕлхе, чи пахи, чун уççи.
Çак кунсенче ХиртиМăнтăрти культура çуртĕнче те çак чăваш чĕлхи кунне тата Аслă Вĕрентекенĕмĕре - И.Я.Яковлева-170 çул çитнине халаласа "Яланах янра, чăваш чĕлхи!" ятпа хаваслă уяв каçĕ иртрĕ.
Ачасем тăван чăваш чĕлхине мухтаса çырнă сăвăсем вуларĕç; чӑваш чӗлхи епле пуян, илемлě, асамлӑ пулнине çирěплетсе хăйсен янӑравлӑ та илемлĕ юррисемпе уява пуянлатрĕç.
Çавăн пекех Йăлмахва ял библиотекарě хатěрлентернě И.Я.Яковлев калавĕ тăрăх " Ĕнепе качака таки" пĕчĕк сценкăна питě кăмăла каймалла кăтартса пачěç.
Уява ертсе пыракансем программа тăршшĕпех чăваш халăхĕн йӑхран-йӑха куçса пыракан йӑли-йěркийĕсемпе, чӑваш чěлхин пуянлӑхěпе, чăваш çыннисем валли ырнă И.Я.Яковлев халалĕпе паллаштарчĕç.
Муниципальное бюджетное учреждение культуры "Централизованная библиотечная система" Комсомольского района Чувашской Республики