Новости » Сусӑррисене сума суса тимлӗх уйӑрчӗҫ

16:37 03 декабря 2021 г.

Кашни çын хăйне евӗрлӗ. Çав вăхăтрах пур этем те пĕр тан сывлăх енчен уйрăлса тăратпăр пулсассăн та. Раҫҫейре раштавӑн 3-мӗшӗнче сусӑр ҫынсене тимлӗх уйӑрмалли кун. Шăпах çакна тата короновирус чирӗ алхаснине шута илсе Сителти вулавăшпа клубра ĕçлекенсем ялти сывлӑх енчен уйрӑмрах ентешсене килӗрен ҫӳресе сума сурӗҫ. Нумайӑш патне ҫитсе сиплӗ калаҫу-сӗнӳсӗр пуҫне вулавӑшри ҫӗнӗ кӗнекесемпе, хаҫат-журналсемпе паллаштарчӗҫ. Килӗшнисене килте вулама парса хӑварчӗҫ. Унсӑр пуҫне Ирина Лякова культорганизаторпа Оксана Хомуткина библиотекарь сывлӑх енчен уйрӑлса тӑракан юлташсене пылак ҫимӗҫпе хӑналарӗҫ, яланах сывлӑх енчен ҫирӗп пулма, тӑванӗсемпе савӑнса кун кунлама сунчӗҫ. Усал чир-чӗре пӑхмасӑр яланхи пекех хавас кăмăлпа утма каларӗҫ.

Муниципальное бюджетное учреждение культуры "Централизованная библиотечная система" Батыревского района Чувашской Республики