14:43 29 сентября 2015 г.
Вăрман Енĕш клубĕ асаннесемпе асаттесен, кукамайсемпе кукаçисен шăкăл-шăкăл калаçăвĕпе, чĕвĕл-чĕвĕл сассипе тулчĕ. Ялти ватăсене, ĕç ветеранĕсене чыслаççĕ кунта паян. Тивĕçлĕ канăва тухнисене саламлама Канаш районĕнчи ветерансен халăх хорĕ те килнĕ.
Чăн-чăн уяв парнелерĕç ветерансем ял çыннисене. Юрă хыççăн юрă шăранчĕ, илемлĕ кĕвĕ-çемĕ кăмăла çĕклерĕ. Концерт вĕçленсен те саланма васкамарĕ ял халăхĕ. Хăнасемпе пĕрле юрларĕç, ташларĕç, сĕтел хушшинче кăмăллăн пуплерĕç ватăсем.
Уява ирттерме пулăшнăшăн Н. И. Артемьев, В, Н. Герасимов, В. И. Осипов, Е. М. Скворцова спонсорсене пысăк тав.
Муниципальное бюджетное учреждение культуры «Централизованная клубная система» Канашского района Чувашской Республики