09:36 25 ноября 2019 г.
Савăнса кĕтсе илетпĕр
Аннесен уяв кунне,
Пирĕнтен илсемĕр тетпĕр
Парнине те саламне.
Вĕсене халь чыс тăватпăр,
Парнелетпĕр чечексем,
Ыр сунса сăмах калатпăр:
– Сывă пулччăр аннесем!
Ыра кăмăллă аннесене, ăшпиллĕ асаннесемпе кукамайсене, Аннесен кунĕ ячĕпе чун-чĕререн тухакан çĕр çинчи чи ырă, ăшă, çепĕç сăмахсемпе саламлама пуçтарăнчĕç Турханкасси ялĕнчи культура Çуртĕнче. Уяв тăршшĕпех куракансен сăн- пичĕсенче хĕвел шевли вылярĕ, чунecенче те савăк кăмăл хуçаланчĕ тейĕн.
Пĕрин хыççăн тепри васкарĕç сценă çине культура Çурчĕн çумĕнчи коллективсем. Вĕсем куракансене юрă- ташăпа кăна мар, шýтлĕ камитсемпе те тĕлĕнтерчеç . Анне ăшшине, юратăвне , ырлăхне туйма пултарчĕç куракансем кашни юрă căмахĕсенче.
Уйăх пек çутă кун-çул, çурхи хĕвел пек ырă кăмăл, чăваш юманĕ пек çирĕп сывлăх, тапса тăракан çăлкуç пек иксĕлми телей сунса сывпуллашрăмăр куракансенсемпе.
Культура Мариинско-Посадского района