12:59 09 марта 2022 г.
Мартăн 5- че Апаш халăх театрĕ А. Сухан çырнă пьеса тăрăх « Ашкăнчăк инкесем» спектакль лартса пачĕ.
Палăртнă вăхăт çитнĕ май зал хуллен тулса пычĕ. Ял халăхĕпе пĕрле Шупашкар хулинчен те артистсен ĕçне хаклама Чăваш республикин Тава тивĕçлĕ артисĕ Кириллов Г.В.тата Шупашкар районĕн тĕп культура çурчĕн методисĕ Требухина В.А. килсе çитрĕç.
Тулли зал артистсене савăнтарчĕ те хумхантарчĕ. Кашни сцена çине тухнă артист хăйне шанса панă сăнара килĕшÿллĕн калăплама тăрăшрĕ. Спектакль пынă май куракансем юратнă артистсене алă çупса тата савăнăç куллисемпе хавхалантарса пычĕç.
Спектакль пĕтсен артистсене тăвĕллăн алă çупса çурхи чечексемпе, парнесемпе тав турĕç.
Çак кунах Апаш халӑх театрне СССР халӑх артисчӗ Б.А. Алексеев ятне парса сумларĕç. Театршăн ку пысăк чыс та мухтав. Артистсене малашне те ăнăçу, телей, сывлăх сунатпăр.
Муниципальное бюджетное учреждение «Централизованная клубная система» Чебоксарского района Чувашской Республики