13:59 30 ноября 2016 г.
Анне пурри — телей,
унран пахи никам та çук.
Анне пире чун панă,
ăса вĕрентнĕ ,ĕçе хăнăхтарнă,
пурнăç çулĕ çине тăратнă.
Ун умĕнче пуçа таятпăр.
Çакăнпек ăш сăмахсенчен пуçланчĕ «Аннесен кунне» халалланă уяв иртнĕ вырсарни кун Урай Макаç клубĕнче. Çак кун пурте юратнă аннесене саламлаççĕ. Çавăнпа та уява уявлама вӗттинчен пуҫласа ватӑсем таранах пухӑннӑ клубра. Савӑнӑҫлӑ мероприятие клуб заведующийĕ Павлова Г.Л. уçрĕ. Шкул ачисем Оля, Ирина, Вика, Ева «Анне» юрра юрласа пачĕҫ, сӑвӑсем каласа пачӗҫ, тата хăйсем йĕркеленĕ ташăпа ташласа савăнтарчĕҫ. Малалла курма килекенсене ялти клуб ҫумĕнчи хавасла «Сăрнар» ушкăн хавхалантарчĕ. Вӗсем ял халӑхне юрӑ шӑрантарса, ташӑ ташласа, шÿтлӗ сценкӑсем парнелерӗҫ.
Пӗр сӑмахпа, Урай Макаçпа Тури Макаç ял çыннисем пӗрле пухӑнса савӑннӑ. Уяв пурин кӑмӑлне те ҫӗкленӗ.
Муниципальное бюджетное учреждение «Централизованная клубная система» Чебоксарского района Чувашской Республики