08:33 30 ноября 2015 г.
Чÿк уйãхêн 27- че Апаш тãрãхêнче Амãшсен кунне халалланã савãнãçлã концерт иртрê. Анне юратãвêнчен лайãхраххи, пархатарлãраххи урãх нимêн те çук пуль. Çак вãйлã туйãм чãннипех тулли те вêçêмсêр. Эпир миçе çулта пулсан та аннесем сывã чухне вêсемшêн яланах ача вырãнêнче шутланатпãр. Унãн ырã сãмахê, ãшã куçпа пãхни пурнãçра тем пекех кирлê.
Саламлã концерт пуçланас умêн ял администраци пуçлãхêпе пêрле район представитêлê, ЗАГС ертÿçи А.Е. Максимова, сцена çине хãпарса салам сãмахêсем каласа халãха саламларêç.
Çак уяв каçне культура êçченêсем тулли кãмãлпа хатêрленчêç. Тêрлê жанãрлã номêрсем кураканãн кãмãлне çêклерêç. Артистсене алã çупса , хавхалантарса пычêç. Хор « Ивушка» ( ертÿçи Е. Ерилеева) халãх умне аннесем çинчен халалланã çêнê юрãсем çитерчê. Уявра шÿтлê сценкãсем, сãвãсем нумай пулчêç. Шкул, я/ сад ачисем те аннесене хãйсен маттурлãхêпе тêлêнтерчêç. Уяв каçне А. Васькинãпа С. Семенова туллин, тêрлê сãвã йêркисемпе илемлêн ертсе пычêç.
Уяв каçê вêçленсен А. Владимиров ялти пултаруллã амãшêсене Тав хучêсем парса чысларê.
Юлашкинчен эпир çакна каласшãн : «Яланах аннене хисеплесе юратма хистекен сãваплã туйãм пирêн чêрере упрантãрччê. Çавãнпа та аннêрсемшêн чун ãшшине, тимлêхêре, хãвãр юратãва парнелеме ан вãтанãр!».
Муниципальное бюджетное учреждение «Централизованная клубная система» Чебоксарского района Чувашской Республики