Новости » Театр кунӗ тӗлне – икӗ премьера!

11:38 07 апреля 2015 г.

Оригинал

Ял ҫыннин пушӑ вӑхӑтне кӑсӑклӑ та усӑллӑ ирттерме пулӑшас  тӗллевпе Кӑшавӑшри культура ҫуртӗнче вӑй хуракансем  чылай тимлеҫҫӗ. Кашни кунах кунта тӗрлӗ пултарулӑх ушкӑнӗ ӗҫлет. Юлашки  вӑхӑтра «Кӑлтӑрмач» театр студине ҫӳрекенсем уйрӑмах «ҫанӑ тавӑрсах» тӑрӑшрӗҫ. Мартӑн 27-мӗшӗ – пӗтӗм тӗнчери театр кунӗ. Ҫак каҫ культура ҫуртне ватти-вӗтти – пурте пухӑнчӗҫ. Куракана икӗ премьера кӗтрӗ. Чаршава «Не покидай меня» драмӑпа Кӑшавӑшри пӗтӗмӗшле пӗлӳ паракан вӑтам шкулта вӗренекенсем уҫрӗҫ. Театр кунне халалласа вӗрентӳ учрежденийӗсем хушшинче иртнӗ смотр-конкурсра пӗрремӗш вырӑн ҫӗнсе илнӗскерсем хӑйсен пултарулӑхӗпе куракана тӳрех тыткӑнлама пултарчӗҫ.

 «Кӑлтӑрмач» театр студийӗ А.Чебанов ҫырнӑ «Хӑтасем» комедипе тухрӗ сцена ҫине. Куҫҫулленсе илме те, хырӑм хытиччен кулма та ӗлкӗрчӗҫ  залра ларакансем. Вырӑнти артистсене тӑвӑллӑн алӑ ҫупса тав турӗҫ  курма пухӑннисем.

Фотоотчет

Кшаушское сельское поселение Чебоксарского района

Муниципальное бюджетное учреждение «Централизованная клубная система» Чебоксарского района Чувашской Республики

Первоисточник: Кшаушское сельское поселение Чебоксарского района