17:03 30 октября 2021 г.
Юпа уйӑхѐн 30-мѐшѐ - политика репрессийӗсене асра тытмалли кун. Вӑл ҫулленех, 1991 ҫултан пуҫласа иртет. Ҫак кун митингсемпе культура мероприятийӗсем иртеҫҫӗ, вӗсенче политика репрессийӗсенчен хӗн курнисене, хамӑр ҫӗршыв историйӗнче пулса иртнӗ трагедиллӗ пулӑмсене, сусӑрланса юлнӑ ҫынсен шӑписем ҫинчен хурланса аса илетпӗр. Пин-пин ҫынна айӑпсӑр, судсӑр тата следствисемсӗр айӑпланӑ, персе вӗлернӗ, нумайӑшӗ ссылкӑсемпе лагерьсенчен тӑван киле таврӑнман...
Паян, юпа уйӑхен 29-мѐшѐнче, Оринин салинче пурӑнакан Клавдия Александровна Калашникова патне вырӑнти культура Çурчѐн ертўҫи Венера Апполоновна Васильевӑпа библиотекӑра вай хуракан Людмила Всеволодовна Родионова ҫитсе курчѐҫ.
Калашникова Клавдия Александровнӑн ҫемьине те ҫак шӑпа пырса тивнѐ. 1939 ҫулхи мартӑн 7-мѐшѐнче унӑн ашшѐне, Александр Федоровича, Чӑваш АССР-ѐн Аслӑ сучѐн суд коллегийѐ «Контрреволюциллѐ пропагандӑпа агитаци» статьяпа сакӑр ҫуллӑха ирѐкрен хӑтарса Комине ӑсатнӑ. Хӑйѐн йывӑр шӑпаллӑ ачалӑхне куҫҫўлсѐр аса илме те йывӑр, тет вӑл. Аттене килтен илсе тухса кайнӑ чух ҫулталӑк та тултарман ача пулнӑ, сӑнне те ас тумастӑп... Вѐри чей ѐҫнѐ ҫемѐн Клавдия Александровна пурнӑҫри тѐрлѐ самантсене аса илсе каласа пачѐ. Çапла, сахал мар йывăрлăх тÿснĕ. Ман пек шӑпаллисем те сахал мар пулнӑ. Тепѐр чух сӑвӑ йѐркисем те шӑрҫаланса тухаҫҫѐ, пытармарѐ ветеран:
Пулнӑ эпир вӑрҫӑ ачисем,
Нумай тўснѐ вӑрҫӑ нушине.
Пѐлмен савӑнӑҫ мѐнне
Курман атте ӑшшине..
Муниципальное бюджетное учреждение культуры «Централизованная библиотечная система» Моргаушского района Чувашской Республики