15:15 25 мая 2018 г.
Хаклă библиотекарьсем, çак ĕçĕн ветеранĕсем!
Сире пурне те хăвăрăн професси уявĕпе саламлатпăр.
Кĕнеке кашни çынна тавракурăмне аталантарма, шухăшлама, пурăнма вĕрентет. Шăпах эсир, библиотекарьсем, çынсем кĕнекесем ытларах вулаччăр, ун патне туртăнччăр тесе тимлетĕр.
Библиотека паян ял çыннисемшĕн информаци центрĕ, çавăн пекех чуна уçма пулăшакан вырăн та пулса тăрать:. Эсир тем тĕрлĕ мероприятисем те ирттеретĕр. Унта ачасемпе пĕрлех çитĕннисене те явăçтаратăр. Çакă йăлтах çынсене ăс-хакăл тĕлĕшĕнчен пуянланма, ырă кăмăллă пулма пулăшать.
Библиотекăсем паян халăха патшалăх тата муниципаллă пулăшусем парас ĕçе те хастар хутшăнаççĕ. Тавах сире пурне те тăрăшуллă ĕçшĕн.
Пурне те сире çирĕп сывлăх, телей, ăнăçу сунатпăр. Малалла та çавăн пекех пурнăçпа тан пыма ырă сунатпăр.
Район пуçлăхĕ – депутатсен районти
Пухăвĕн председателĕ И.В. Николаев.
Район администрацийĕн пуçлăхĕ Р.Н. Тимофеев.
Моргаушский район Чувашской Республики