15:16 29 января 2018 г.
Чӑваш халӑхĕ ĕмĕртенех алӑ ĕçĕпе палӑрса тӑнӑ. Ҫав пултарулӑха паян кун та çухатас мар тесе, Юнкӑри культура çуртĕнче тĕрлĕрен ĕçсем ирттеретпĕр. Алӑ ĕçĕ пултарулӑхне аталантарас тĕллевпе клубра ачасем валли «Алмазная вышивка» кружок ĕçлет. Аслӑ çынсене валли тĕрлĕрен енлĕ интересленекенсен клубĕ «Мудрая сова» ĕçлет. Унта тĕрĕ ӑстисем, тĕрлĕрен хатĕр çыхма пĕлекенсем, çӑм арлама пĕлекенсем, тутлӑ апат-çимĕç пĕçерекенсем, юрлама-ташлама юратакансем, скандинави меслечĕпе утакансем тата ыттисем те пуçтарӑнаççĕ.
Шӑматкун, кӑрлач уйӑхĕн 27-мĕшĕнче, Юнкӑри культура çуртĕнче тĕрлĕрен енлĕ интересленекенсен клубĕ «Мудрая сова» «Чун юрланӑ чух» ларма каçне пуçтарӑнчĕ. Тĕрленĕ, çыхнӑ хушӑра тĕрлĕрен чӑваш юррисене юрларĕç, чун каниччен калаçрĕç, чей ĕçрĕç.
Ларма каçĕ пурне те килĕшрĕ.
Территориальный отдел "Юнгинский" Управления по благоустройству и развитию территорий администрации Моргаушского муниципального округа Чувашской Республики